【殖民計劃】
近年很多天災，科學家開始意識到，地球根本不安全。
科學家A：「我們要找尋其他星球去居住。否則，人類，甚至所有生物，都會永遠絕種的。」
科學家B：「但係最近可能似地球嘅星球，用1/3光速咁快飛去，都要飛40年。點搞？仲要，我地而家跟本無技術飛到1/3光速咁快。而家嘅速度咁飛去，1000年都去唔到。入面啲人都死晒啦。」
科學家C：「x，痴線。我當你真係研究到高速飛行技術，40年我當你去得到，但係去殖民，要幾多人去？幾千人？困住幾千人幾十年？未去到都痴左線，自殺死晒啦，唔死都變晒質啦。仲要如果去到，萬一果個星球唔識合人住，咁點算？啲人明知自己去果個星球，有好大可能跟本唔適合生存，當佢地大膽，但係咁樣過40年，40年困擾咁過，點會唔痴線？」
科學家D：「一出太空，又要預佢地40年嘅食同水，而且仲要保證機件唔壞，點預？丫，人體係進化到，適合係地球嘅重力、低輻射咁生存，上太空一個月，無重力，骨無用會退化，心臟會衰退。半年，日日運動都仲可能頂得住，40年？太空無大氣層無磁場，大量輻射，啲人生勾勾射足40年，生cancer死Q晒啦。」
科學家A並沒有放棄，繼續游說：「高速飛行，只要把愛因斯坦以前想像的「曲速飛行」研究成功，便可以達到1/3光速。再不是的話，歐洲已成功製造出反物質，用磁場保護反物質，用物質與反物質相撞，產生能量推動，便可以再提高速度。同時，這個磁場可以保護太空人防止輻射直接打進人體。」
他接著繼續說：「是的，不過人體太複雜，數千人要困住40年，前途未卜，心理一定出問題。要不然，我們把生人凍結，送上太空，找到目的地，再喚醒他們？這樣既不用令他們有心理負擔，也解決了食物等問題...」
科學家C插口說：「咪又係要人去喚醒佢地...」
這時科學家B改變了想法，回應C道：「唔使喎，用機械人咪得囉！冷凍幾千個太空人，再用機械人去執行航空、維護指令，到有一日，搵到啱人類居住嘅地方，就用機械人喚醒啲太空人。咁就無問題啦！」
科學家A：「對！就這樣。如果用這個方法，一定可以保住人類這個生命鏈！」
科學家D打破沉默：「但係，送上去嘅人類數目，因為太空船大細，會有人數限制，而且風險太高，畢竟人類，會有病會衰老... 我有個再大膽啲嘅想法... 既然如果找到合適嘅地方，都會用機械人叫醒太空人，點解我地唔一開始就送人類嘅胚胎、甚至受精卵上太空船？到左啱嘅地方，等機械人孵化呢啲受精卵，咁咪唔使擔心太空人果40年嘅心理、生理問題，同日常生活囉？而且，咁樣送上太空，完全無人有風險，無人會因為失敗而死，無道德責任同壓力，大家都會去試。更重要係，送一百萬個受精卵，好易保存，一定夠位啦！減少左數目上嘅風險呀！」
科學家A：「對！這樣還可以一次派數十個大空船上太空找尋殖民地！既沒有人因而死去，也不用擔心太空人數量不足，大大擴大成功機會！這個很好呀！這樣就可保證宇宙間，有生命可以留存下來。」
科學家C：「不過... 其實有另一個問題。地球有283萬個生命物種，點解我地只留人類物種呢？我知，如果用受精卵計劃的話，當然可以帶好多唔同物種上太空。但係，總唔可能全球物種都帶。帶咩物種嘅受精卵，我地點決定？點解企鵝就有得留物種，海馬就唔得？而且，機械人決定個星球啱，就孵化受精卵，佢揀嘅所謂啱，可能只係啱人類，唔啱蟾蜍，咁點解一定要揀呢個星球？呢到，有個道德問題，點分邊個生命物種有得留低。」
科學家D回應：「無法喎。所有生物都係因應佢自己係地球嘅生存方式進化過，去到第二個地方，一定唔啱，好多生物要再進化返，先會適合當地生存，否則會全部死晒。如果要佢地全部都有公平機會，同埋要係新地方有生存優勢，最好係由頭進化一次。」
科學家A馬上接續：「對！反正我們要留的是生命、是物種，不是指定的某個生物！為了令生命在新星球更易存活，最好由頭進化一次，哪我們不如放單細胞生物、細菌上太空船？找到新星球，就喚化牠們，甚至可能不用喚化，牠們自己已經可以生存下來。讓牠們好像我們的祖先，慢慢由單細胞，進化出萬物，不就解決問題嗎？況且，所謂時間長，對宇宙來說，根本不是什麼呀！這明顯是最好、最可能、最有效保存生命的殖民方法呀...」
科學家A正興高采烈，沒想到，其他每一位討論者，都突然面如死灰般沉默下來。科學家A也馬上留意到問題所在，低下頭，靜默了。
科學家B首先站起身：「睇黎，地球嘅一切，都唔使刻意送上太空保存啦。唔傾喇，我返去先。」說罷，所有人也都離開會議室，走向紛擾的街頭，再次看著地球進化與變化。
Search